26/10/09

pan de millo

PAN DE MILLO, BROA OU BOROA.

Ingredientes para unha bola de 1/2 quilo de pan
500 gr de fariña de millo branco.
500 ml de auga a ferver con fiuncho e sal.
150 gr de fariña de centeo (1/3 da de millo).
Formento (20 %-inverno- 10%- verán- da cantidade total de fariña)

Procedimento
Dispoñer a fariña de millo nun bol e realizar un buraco no medio. Engadir a auga a ferver (canto máis branca sexa a fariña máis temperatura terá que ter a agua para conseguer amalgamala) e remexer a mistura cunha culler de pao ata que estea morna. Peneirar a fariña de centeo e engadila á masa. Agora xa está morna e poderémola misturar coa man. Disolveremos o formento na masa, engadindo auga morna se é preciso. Facer o estirado da masa, dúas ou tres veces, facer unha bola e limpar as mans con auga. Agora, deixarémola en repouso de 5 a 7 horas para que levede (neste caso solo leva 1 fermentación. A masa estará lista para fornear cando aparezan varias grietas na súa superficie. Fornear a 230ºC durante 1 hora e 30 minutos (aproximadamente) ata que a cortiza estea ben moreniña. Para que a cocción sexa homoxénea e o pan teña un bo aspecto é preciso meter no forno, dende o principio, un recipiente con auga. O pan poderase comer cando enfríe, non antes, pois sería moi indixesto.