Gran participación da parroquia na moenda

A moenda ,realizada o pasado 29 de maio no muíño da Pedrosa ,contou con moita participación dos veciños/as da parroquia.
Toda las actividades que se realizaron no entorno do muíño do Buraco, como da Pedrosa foron seguidas con moito interese incluso coa participación activa de veciños e veciñas como foron o caso da sementeira ou os propios da muiñada; foi moi intetersante ver como os mais adultos e nenos/as mesturábanse e compartían as diferentes tarefas.
Cumpríronse con moito os obxectivos da actividade que tiña fixado a asociación, polo que seguro que repetiremos outra muiñada no próximo ano esta vez xa con millo colleitado desta sementeira.
Agradecer os colexios da Chans e do Mosteiro a súa colaboración, así como a entidade local menor de Bembrive e a sociedade cultural Helios, a Poli e a todo los veciños e veciñas que colaboraron desinteresadamente que fixeron que foxe un éxito.

Moenda no muíño da Pedrosa

O 29 de maio estaremos moendo inninterrumpidamente no muíño da Pedrosa.

Os cativos poderán debullar espigas, moelas e recoller a fariña.Tamén poderedes colaborar na sementeira de unha leira con millo corvo e millo branco.

Teremos unha pequena mostra de aparellos de labranza así como proxectaremos fotografías de canastros e muíños da parroquia.

Poderás degustar pan de millo e empanada feita por veciños da parroquia e acompañalos con un viño.

Un cento de castiñeiros foron plantados o pasado 2 de Abril.

O pasado 2 de Abril plantamos no monte de Bembrive un cento de castiñeiros.

A pesares do frío e a choiva, a participación de unhas 35 persoas de tódalas idades entre os socios de Pena Cabalaria e os membros da Peña do Piñón, permitiu plantar arbores autóctonas que van enriquecer aínda mais o noso monte.
Os veteranos da Peña do Piñón nunha paradiña no traballo para comer e beber, aproveitaron para contar a súa extensa experiencia en sementeiras pasadas .
O tempo, que non foi aliado noso ,impídeo realizar o xantar no Parque do Pouso e compartir entre todos os participantes un día de festa.
Grazas a todos e todas pola vosa desinteresada participación.

Como podes contactar coa Asociación.

Podes contactar coa a sociación a traves do correo electronico penacabalaria@gmail.com .

Recuperar o espirito da sementeira, para poñer en valor o monte

Falta pouco para que este anaco de monte, que agora esta falto de arbores ,volva a recuperar a sua utilidade.

O próximo día 2 de Abril, a Asociación Pena Cabalaria vai a realizar unha plantación de frondosas no monte de Bembrive, a que estades convidados todos/as, especialmente aqueles veciños e veciñas que xa participabades naquela tradicional sementeira do Venres Santo.

Recuperar o espírito da sementeira, adaptándose a os novos tempos,é só un pequeno "gran de area "para que o monte medre en valor.