20 DE MAIO, OBRADOIRO DE ELABORACIÓN DE PAN DE MILLO

O próximo día 20 de Maio a partires das 20.30 h, na cociña que poñen a nosa disposición a Asociación Cultural e Recreativa "Helios" e a Asociación de Mulleres "Lúa".
Poderedes seguir todo o proceso de elaboración do pan de millo e aproveitaremos para falar das propiedades que teñen os cereaís na dieta diaria e en particular o millo corvo

Conferencia e plantación de arbores micorrizadas.

O pasado 18 de Febreiro, Puri Lorenzo bióloga especialista do laboratorio de micoloxía da Universidade de Vigo, falounos durante aproximadamente hora e media sobre as arbores micorrizadas, procesos no laboratorio para a súa consecución,e xa unha vez plantadas beneficios para as arbores, para o solo, e o un valor engadido para a propia comunidade(económico,lecer,gastronómico).
Contou coa asistencia de alomenos 40 persoas,entre as que se atopaban directivos das distintas asociacións culturais, comisións de festas,comunidades de augas e de asociacións micolóxicas,as que o remate achegáronse para felicitarnos polo interesante do contido da conferencia.

Dende a asociación, pedimos a os distintos colectivos da parroquia a súa implicación para facer posible a plantación de un cento de castiñeiros micorrizados, que foi feita o pasado 26 de Febreiro polos socios da asociación. Podemos dicir que foi positivo e que a día de hoxe en Bembrive deuse un gran paso cara a concienciación da sociedade da importancia dos nosos bosques .
Grazas a :
Entidade Local Menor de Bembrive,
Comisión de Festas de San Brais e Santiago,
Comisión de Festas de San Cibrao,
Asociación Cultural e Recreativa Helios,
Asociación de Mulleres Xestas,
Asociación Micolóxica “A Zarrota” ,
A Presidenta da Asociación Micolóxica “A Zarrota”(Lorena Cascallar),
e tódolos seus socios e socias de estes colectivos pola súa contribución.

Un bosque con vida... con futuro, para ti, para todos.

Todos e cada un de nos,temos a responsabilidade de manter os nosos bosques no mellor estado posible de conservación para que cumpran co seu obxectivo vital.
Con esta intención, esta pensada esta conferencia e posterior plantación, posibilitando a participación e implicación tanto dos veciños como dos diferentes colectivos da parroquia.

Estades convidados, o vindeiro día 18 de febreiro as 20.30 h, no auditorio do centro cultural Helios de Bembrive, como actividade previa a plantación de 100 arbores micorrizados no bosque de Bembrive.
Co titulo "Os bosques con arbores micorrizados, xeneradores de riqueza para a comunidade", Puri Lorenzo bióloga, especialista do laboratorio de micoloxía da Universidade de Vigo, será a encargada de falar sobre este tema.

Esperámoste.

O tarabelo, o boletín impreso da asociación.

Xa temos na rúa ,dende o pasado mes de Decembro, o primeiro boletín de información da asociación.

-Podes atopalo en calquera local das distintas asociacións da parroquia,
-na entidade local,
-no quiosco de Merchi, na farmacia de Trini,
-na ferraxería do Cacheno,
-no ambulatorio e nos colexios da Chans e do Mosteiro,
-así como no bar “A Pedra”, “O raro”, “A buraca”, na “Casa Veiga”e no bar “Os Ramallos”.

Celebradas as xornadas de inicxiación a micolóxia

Xornadas de iniciación a micolóxia .
Orientada a iniciados na micoloxía, celebradas o pasado 19 e 20 de Outubro e coa participación de unhas 20 persoas tanto da parroquia coma de fora dela, estas xornadas de iniciación.
Dioni Comesaña foi o encargado, esta vez, de introducirnos no mundo da micoloxía, primeiro con unha charla e axudado de fotografías, e o día seguinte a tarde con unha saída de campo na que descubrimos diferentes cogomelos tanto comestibles coma velenosos.
Esta actividade foi subvencionada pola Entidade Local Menor de Bembrive